لي بيت شعرٍ على بالي عجزت أكتبه

ياكلّ الأحباب منـت بهالعمـر تجربـه

حبك دخل بالحياة وصـار كـل الحيـاه

شاعرك محبوس بافكاره علـى مكتبـه

بلّل خدود الورق من دمع حبـر الـدواه

ماتعّبتنـي بوصفـك قلّـة الموهـبـه

لاشكّ حسنك عجز شعري يضاهي بهـاه

لي بيت شعرٍ على بالي عجـزت أكتبـه

لكنّ فكري وأنـا عنـدك بعينـك قـراه

شفت القمر ناثـرٍ ليلـه علـى منكبـه

مدري غشاه السحاب أو إنه ارخى غطاه

والليل شفتـك تلمّـه لـمّ ثـم تسكبـه

على نهار النحـر حتّـى تغطّـي سنـاه

ورمشك ليامن ضرب قلبي عطب مضربه

كنّك موقّف على جفنـك سريّـة رمـاه

تمـرّ والنـاس مذهولـة ومستغـربـة

من حسنك اللي طمس غيرك وضيّع حلاه

أجيك وأرجع وقلبـي ماحصـل مطلبـه

مثل الذي راح يمّ اليـمّ يـروي ضمـاه

وأتوب عن ذنب حبي معـك وأستعذبـه

وأتوب عن توبتي ويعيد قلبـي خطـاه

وأنت تعرف صاحبك برق الحيا يجذبـه

يمشي على مايبي قلبـه ويتبـع هـواه

الله من وحـدةٍ جتنـي وهـي معجبـه

وبغيت أطاوع هوى قلبي وعيّـا وفـاه

قلبـي يـودّك ولـو إنّ الجفـا يتعبـه

وليا سألته يقول: أحـبّ حتـى جفـاه

يهوى تغلّيـك وطعـون الدلـع تعجبـه

لأنّـك أوّل منـى قلبـي وآخـر منـاه

مانيب ناشدك جرح الحبّ وش سبّبـه؟

لاشكّ أبنشدك جرح الحبّ وش هو دواه؟

وإن كان بيديـك طـبّ لخافقـي طبّبـه

لاتترك الموت ياصل لـه قبـل مبتغـاه

أتمنى تنال أعجابكم وهاذي قصيده للشاعر فيصل بن حشر

< منقول

صح لسان شاعرها وتسلم يمناك

طبت وطاب منقولك

لاهنت ياخوى

تقبل مرورى

صح بدنك . الله يسلمك وأحنا نتعب لجل رضى الغاليين

وندور الزين لكم . الانكم مصدر الزين .

يسلمووو على المرور . ولانتي

صح لسااااانكـ وتسلم علىا القصيدهـ

تقبل مروري

صح لساان شاعرها وتسلم يمين ناقلها

طبت وطاب منقوولك يالغالي تسلم اليمين الي نقلتهاا

تقبل مرووري

ع.ـهـد الغـلا . صح بدنك والله يسلمج منوره الموضوع فديت نورك ولاهنت على الطله الحلوه

ح ـمـوٍدي . صح بدنك ولاهنت على المرور كافي وجودك ووجود البنات الي نورو الموضوع