واحد من الشباب قمة بالذوق بس على ما أظن أكلها

السلام عليكم ورحمة الله وبركاته

أوف والله القصيده روعه بس شوفو أخرتها شنو لووول

البارحة جاني من الحب مرسال من عقب مابيني وبينه خصيمة
وانا ترى في الحب مانيب فعّال ولا بعد ولّع بقلبي هشيمه
ولا بعد غنّيت في ساعة وصال ولا بعد ذقت الفراق وجحيمه
ولا جرى دمعي على الخد همّال ولابعد جربت مرّ الهزيمة
حتى وردني تالي الــلـيـل جـوال وانا على شاهي وبسكوت ديمة
الرقم بـايـخ لـكـن الـصـوت قـتـال كنه مثل صوت المذيعة حليمة
قالت مساء الخير يا طـيّـب الفال قلت ارحبي ترحيبةٍ مستديمة
بالـعـود والـصـفرى ودلة وفـنـجال واجبك يا بنت الأصول الكريمة
ردت بضحكة ثم قالت وشالحال؟ قلت اشهد إن الحال عقبك سقيمة
قالت وهي تضحك بعد مثل الأطفال وانا بعد كني بدونك يتيمة
مـن يـوم قـالـتـهـا تـزلـزلـت زلـزال من فجعتي كني مسوي جريمة
قلت ارفعي صوتك ترى مابه ارسال كذاب لكنّ المصيبةعظيمة
قالت أقول اسمع ترى هرجنا طال ممكن تصاحبني تراني وسيمة
واسمي الحقيقي أول حروفه الدال لكن يسمّوني البنات الزعيمة
صحيح أحب الفخفخة واعشق المال لكن تراني طاهرة مستقيمة
ما عـنـدي امـغـازل ولا لــعـب يــهّال ما عندي إلا في الشرف والحشيمة
بس الصراحة قلبي لشوفتك مال واصبحت وحدك جالسٍ في صميمه
فكّر بعقلك واتـرك الـقـيـل والـقـال واحذر تطيع اهل العقول العقيمة
وارسل علي الحين خمسمية ريال اشحن بها جوال أختي غنيمة
أو طقم غالي فيه خاتم وسلسال اروح به في عرس ولاّ عزيمة
قلت الحقيقة مانيب رجل أعــــمال ولاني بتاجر والموارد عديمة
أنا الصراحة شبه عـطــــّال بــطّــال وعلاقتي بالفقر جداً حميمة
والراتب الله يرحـــــــم الحال ما زال محدود والمصروف ربي عليمه
والدين بالآلاف والبنك شـــغـــــــّال ياكل فلوسي بالربا والظليمة
والسوق طايح والغلا ضيّق الــبــال والموت والله صايراكبر غنيمة
قالت تحمّل بس والحمل يــنــشال خلك شديد الباس صلب العزيمة
ياخي تصرّف جعلك اتصير نــشّــال اهم شي إن النوايا سليمة
لابد تفهمني على كل الأحــــــوال ما دمت من أهل العقول الفهيمة
قلت إيه والله فاهم اللي على البال لكن ترى هذي علينا قديمة
يا بـنـت هـذا صـايـر الـيـوم مـــــوال للي تبي تلعب على ابن اللئيمة
يا بنت ما تدرين كم فيه محــتــــال يلعب على الحبلين وانتي غشيمة
يا بنت كم من جاهلة دمعها سال من عقب ما جات العواقب وخيمة
والبنت لا اقفى عرضها بيد الأنذال والله ما يبقى لها أي قيمة
قالت تبي ولاّ فخلّك على جـــــــال مهوب ناقصني نصايح حكيمة
عز الله إنك للأسف منت رجّـــــــال وانك قليل الذوق ما فيك شيمة
يا لعنبواللي ما يسطّرك بنـــــــــعال حتى يعلمك الغزل يا بهيمة
تفو عليك وصكّت الخط في الحــــال مدري تفو هي مدح وإلاّ شتيمة

وعليكم السلام ورحمه الله وبركاته

هههههههههههههههههههههههههههههههههههههههههههههههههههههههههههههههههه

هههههههههههههههههههههههههه

يامسكين

يعطيك الف عافيه يااخوي كايد

يسلموووووو عالطرح لاكثر من راائع

تقبل مرورى

نعال < اي مقااس .؟

هههههههههههههههههههههههه

تسلم حبييب كايد على النقل شككل لمسكيين ماكوو اسلووب يبي اسلوب سلف ترا موجود Razz

تسلم حبيبي والله رووعه وابدااع تسلم على النقل المميز

تقبلوووو مروووري

ياهلا ويا مرحبا فيكم أعشق عيونك + حمودي

نورت القصيده من حضوركم